LCSD FastPass

康文署的康樂設施非常緊絀，例如羽毛球場每天由開放Booking起不用兩小時，繁忙時段的場地幾乎全滿。

大部份情況我們都在「執雞」時才上「康體通」查看Book場情況，但是康體通的設計不太切合我們的需要，查起來非常不方便，例如每次只能搜尋三個場地的情況，幾經艱辛把全九龍的場地都看遍了，最後竟然一個空場都沒有，既浪費我們時間，又令人沮喪。。。

「LCSD FastPass」就是為了解決這個麻煩的Check場過程而誕生！希望可以方便各位熱愛運動的同好，將時間花在更有意義的事情上，場地有就有，沒有就沒有，不要花時間逐個搜尋。

★ ★ ★ 快速教學 ★ ★ ★

1. 點選右上角「LCSD FastPass」的Icon
2. 點擊「立即CHECK場」
3. 瀏覽器會彈出「康體通」的分頁
4. 請按指示輸入驗證碼，然後「繼續」
5. 你會見到「LCSD FastPass」的頁面
6. 只要像平常使用「康體通」一樣進行搜尋便可 🙂

★ ★ ★ Q & A ★ ★ ★

Q：在FastPass內點擊「CHECK場」但load唔到結果？
A：正常情況下結果在幾秒內會出現，如果一直冇結果，請關閉頁面並稍後再開啟。有時「康體通」的網站會掛掉，取不到結果，通常一至兩分鐘後便會回復正常。未來的版本會加入錯誤回報的功能，就不用猜到底是在等待還是掛了！

Q：可唔可以加埋自動化Book場？
A：有好多朋友聽到呢隻app，都問會唔會有得自動Book場。我都有諗過咁樣的確會好方便，但最後都係決定唔會加入呢個功能。原因主要係我覺得Book場應該係fair既，透過系統去book場，如果book完嫌遠或時間唔岩就唔去，更甚係賣比人，對其他人實在太唔公平。

Q：隻app會唔會靜靜雞收集用戶資料？
A：唔會。「LCSD FastPass」不會收集任何用戶資料，現在不會，將來亦不會，所以可以放心使用。

Q：點解可以免費使用？
A：因為除左時間成本外，開發「LCSD FastPass」冇任何其他成本，大家用得開心，可以比D意見，甚至一齊繼續開發，已經係最大既回報 ☆

如果各位有任何問題，或者想合作開發，可以留言或者email比我，盡可能我都會回覆，不過有時比較忙就可能會覆得慢D。